|
A-HED AR PANAMERICANA, gant Jorj Abherve-Gwegen An Andoù, livenn-gein Suamerika. En amzerioù a-raok ar Spagnoled, sez an Impalaerded Inka. An domani-mañ en deus Jorj Abherve-Gwegen ergerzhet e zaou benn : Ekouador ha Chile. Gant kirri-boutin, eus an harzoù gant Kolombia betek Chiloe, enezenn voemus su Chile. Iskisat douaroù, Andoù Ekouador : a-c’haoliad war ar c’heheder ha, daoust da se, erc’h o c’holeiñ o c’hribennoù. Ha Chile, pimpatrom Europa ? Koulskoude... pa’z eer un tammig war glask, ne zale ket ar sichenn indian da zont war wel. A-hed ar Panamericana : 222p., 14x20, dek skeudenn e liv, div gartenn ; Here 2007, 15€ - ISBN : 978-2-916845-03-6 |
|
TANGI KERVILER, gant Roparz Hemon (adembannadur) – Digoradur gant Pierrette Kermoal Romant istorel o c’hoarvezout e Breizh da vare an Dispac’h gall ? Romant karantez ? Romant deskoniadur ? Petra eo resis an oberenn-mañ ? « Ne ran amañ nemet istorig Tangi Kerviler », eme ar benndudenn. D’al lenner d’ober e soñj… Tangi Kerviler : 141p., 14x20 ; Mezheven 2007, 10€ ISBN : 978-2-916845-02-9 |
SKLEUR EN NOZ, gant Pierrette Kermoal
Dek testenn ganto frond ar mor. E bed Pierrette Kermoal, etre faltazi ha beziadoù, e striv an tudennoù da vont dreist d’an dic’hallusted. Ha dont a reont a-benn, gant poan hag hir amzer a-wechoù, met bepred gant humour, fent, hag ijin. Pe marteze hepken dre nerzh hud al lavar ?… Dastumad danevelloù,Kevellennoù, kontadennoù, barzhoniezh… |
LIORZH AL LENNEGEZH
En ur film brudet en e vare, e weled ur c’helenner oc’h erbediñ d’e studierion sevel war an daol, a-benn teurel war ar bed ur sell disheñvel. Ur sell disheñvel war al lennegezh vrezhon, (hep na vo ret d’al lenner sevel war an daol, nemet e ve e blijadur), savboentoù nevezus : setu pezh a ginnig Pierrette Kermoal gant an daouzek arnodskrid-mañ, ma tiskouez penaos skrivagnerion e-touez ar re bennañ - Abeozen, Youenn Drezen, Roparz Hemon, Kervarker, Meavenn, Jakez Riou… - o deus meret en o oberennoù kudennoù loskusañ ar gevredigezh en o amzer… hag en hon hini. Skridvarnerezh 246 p., 14 x 20, Here 2006, 13 € - ISBN : 978-2-916845-01-2 |
|
ABER EMBANNADURIOÙ |
|
ABER 115 Kergareg F.29870 Landeda pkermoal@wanadoo.fr www.aber-bzh.info |
